I dag har Oppland fylke mål om å vera klimanøytralt innan 2025. Hedmark vil det same innan 2030. For å få det til må heile regionen vera med. Då er det viktig at fylket arbeider offensivt, og dreg med seg alle område i positiv retning. For vi har mange moglegheiter her i området.

Det nye fylket Innlandet kjem til å vera litt større enn landet Bosnia-Herzegovina i areal. Då forstår vi fort at det må til ein del reising over lange avstandar for å koma seg dit ein skal; på jobb, skule, butikken, fritidsaktivitetar og heim. Difor er det viktig med eit godt utbygd kollektivtilbod, slik at vi innlendingar kan reise både trygt og miljøvenleg. Det må vilje til frå politikarane for å få det til. Det håper vi at dei har.

Høgskulane har juksa litt, og allereie slått seg saman til den nye Høgskolen i Innlandet. Her er det òg potensial til å bidra til ei omstilling. Vi treng nemleg nokon som kan gjennomføre dei nye tiltaka som trengst for å få oss dit vi vil. Kva er vel betre enn å utdanne dei her? Kanskje kan Innlandet stå i bresjen for grøne utdanningar, med godt samspel mellom naturen og samfunnet? Ingenting kan vel vera meir naturleg. Er det noko vi har mykje av, er det nettopp natur.

Oppland og Hedmark har store skogareal, og står for om lag 40 prosent av all hogst i landet. Der har vi mykje å hente. Skog er ein viktig ressurs, og kjem nok til å bli enda viktigare i åra som kjem. Når vi er inne i omstilling for å hindre ei klimakrise, er det jo nettopp naturen som er vår beste ven. Berre tenk på alt kunstmaterialet vi kan spara ved å bruke tre i staden. I bygningar, møblar og bruksgjenstandar kan ein like godt bruke tre som anna materiale. Det er ikkje tilfeldig at verdas høgste trehus blir bygd i nettopp Innlandet. I tillegg tek skogen opp store mengder CO2, og bind det som trefiber.

Kva må til for at vi skal klare denne omstillinga? Fyrst og fremst treng vi politisk vilje. Nokon må stå klart fram, setja krav og støtte opp om tiltak. Det er viktig å informere oss som bur her, slik at vi veit kva vi kan gjera for å bidra. Bedrifter og næring må bli inkludert i prosessane og politikarane må sikre at òg dei bidreg. Vi gjer nemleg dette for framtida vår.

Slik kan Hedmark og Oppland bli berekraftsfylket Innlandet.

Klikk for kommentarer
Vi inviterer deg til å dele informasjon, argumenter og synspunkter. Vi ønsker fullt navn, noe som gjøre det mer interessant for andre å lese det du skriver. Vi vil ikke ha trakassering, trusler eller hatske meldinger på våre nettsider. Falske profiler blir utestengt. Vi setter pris på at du holder en saklig og respektfull tone. Husk at mange leser det du skriver. Vennlig hilsen redaksjonen. Les mer om vår moderering ->her
Facebook-kommentarer:

Våre journalister og moderatorer overvåker denne debatten kontinuerlig.

Vi fjerner automatisk kommentarer med obskøne ord, definert av våre moderatorer. Innlegg som rapporteres som misbruk eller spam blir vurdert av Facebooks moderatorer, og skjules automatisk for den som rapporterer.


Dersom du bryter våre debattregler, kan vi gjøre følgende:
  • Slette kommentaren din
  • Utestenge deg

Vi har ikke redaktøransvar for kommentarer som er fjernet fra offentligheten, og som kun er synlige for din private og lukkede vennekrets. Vi gjør imidlertid oppmerksom på at du som skriver et innlegg vil være personlig ansvarlig for innholdet enten dette fremsettes på våre nettsider eller overfor ditt eget lukkede nettverk med Facebook-venner. Våre journalister og moderatorer vil ikke begrunne verken fjerning av kommentarer eller utestengning av profiler, utover at det skyldes enten brudd på retningslinjene for moderering slik de fremkommer i toppen av alle kommentarfelt, eller avsløring av falske profiler.