Sidan ein forbrenningsmotor berre har ein verkningsgrad på rundt 35 prosent, og ein elbil ligg rundt 75 prosent, vil den totale bruken av fossil energi gå ned ved å byta ut fossilbilen med elbil.

Dette gjeld også om elbilen får energien sin frå eit fossilkraftverk, som kan ha mykje høgare verkningsgrad enn forbrenningsmotoren, særleg viss det ligg slik til at det kan gjera nytte av spillvarmen sin.

Men slik Svardal seier, må da mange land byggja ut fleire fossilkraftverk ei tid.

Og kol, olje og gass vil vera sentrale energikjelder i mange tiår framover i mange land.

Skal klimaet bergast, kjem ein etter mi meining ikkje unna CO2-fangst og deponering. Og fangst og gjenvinning av CO2 frå ein fossilbil kjem aldri på tale, dette krev store, samla utslepp, slik som frå kraftverk og tungindustri.

Dette har no Angela Merkel innsett, og den norske staten er klar til å bora hol i Nordsjøen for å deponera fanga CO2 i stor skala, viss dei vil betala for dette.

Da kan nokre store fossilkraftverk i Tyskland produsera berekraftig energi til tyske elbilar.

Som i Noreg, vil overgang til eit nytt energisystem for bilar i Tyskland krevja tid til utbygging av ladestasjonar, og det må skje samstundes med utskifting av bilparken.

Denne overgangsperioden vil vera litt smertefull, så det er om å gjera å få den så kort som mogleg. Slik meiner eg den norske regjeringa har handla klokt ved å gi elbilar fordelar som gjer det attraktivt å kjøpa elbil.

For tyngre bilar, maskiner og skip vil det nok vera lurare å gå over til hydrogendrift, som også er utsleppsfri (berre vassdamp), og ikkje krev store batteri.

Og hydrogenet kan koma frå vindmøller som går når det er vind, utan tanke på om det er etterspurnad.

Det same kan jo også gjelda solceller. Dei produserer jo straum på dagtid når sola skin, særleg om sommaren, og det er kanskje ikkje bruk for den akkurat da!

Det er plass til mange solceller i Sahara og andre ørkenstrok, og solenergi er det nok av. Så energimangel blir det ikkje på lang tid viss vi greier å utnytta solenergien.

Innstrålinga av solenergi blir balansert av Jordas utstråling. Slik held Jorda om lag konstant temperatur.

Mesteparten av solenergien blir til varme-energi, og litt blir lagra i kjemiske bindingar (fotosyntesen) og fordamping (gir nedbør).

Men om vi nyttar solenergien å laga straum, vår edlaste energiform, og vi brukar straumen til å gjera nyttig arbeid for oss, blir den likevel til varme til slutt.

Altså er sluttproduktet det same som om vi ikkje nyttar solenergien. Det betyr at vi kan halda fram med å bruka solenergien i all eve utan å påverka klimaet eller temperaturen på Jorda.

Her vil sjølv det mest utsleppsfrie atomkraftverk koma til kort.

Klikk for kommentarer
Vi inviterer deg til å dele informasjon, argumenter og synspunkter. Vi ønsker fullt navn, noe som gjøre det mer interessant for andre å lese det du skriver. Vi vil ikke ha trakassering, trusler eller hatske meldinger på våre nettsider. Falske profiler blir utestengt. Vi setter pris på at du holder en saklig og respektfull tone. Husk at mange leser det du skriver. Vennlig hilsen redaksjonen. Les mer om vår moderering ->her
Facebook-kommentarer:

Våre journalister og moderatorer overvåker denne debatten kontinuerlig.

Vi fjerner automatisk kommentarer med obskøne ord, definert av våre moderatorer. Innlegg som rapporteres som misbruk eller spam blir vurdert av Facebooks moderatorer, og skjules automatisk for den som rapporterer.


Dersom du bryter våre debattregler, kan vi gjøre følgende:
  • Slette kommentaren din
  • Utestenge deg

Vi har ikke redaktøransvar for kommentarer som er fjernet fra offentligheten, og som kun er synlige for din private og lukkede vennekrets. Vi gjør imidlertid oppmerksom på at du som skriver et innlegg vil være personlig ansvarlig for innholdet enten dette fremsettes på våre nettsider eller overfor ditt eget lukkede nettverk med Facebook-venner. Våre journalister og moderatorer vil ikke begrunne verken fjerning av kommentarer eller utestengning av profiler, utover at det skyldes enten brudd på retningslinjene for moderering slik de fremkommer i toppen av alle kommentarfelt, eller avsløring av falske profiler.